Verslag van de 4e Adventslauf in Ellewick(D)

Sabine en Theo

4. Ellewicker Adventslauf 2019, Eene um neet te veurgetten !! Strijd met Theo !

Patrick wil altied graag lopen in Ellewick. Sabine goa’j met? 13:20 uur riede wi’j noar AVA. Geert Wevers en Theo Stronks stoat al kloar. Ik heb eigenlijk weinig zin in een wedstrijd, moar ach ja het is ok jammer um zo’n gezellig wedstijdjen in Ellewick in Kerstsfeer veurbi’j te loaten goan. In de auto vroag ik de heren: wat veur tied wilt jullie goan lopen? Patrick is duudeluk: Onder de 20 minuten, Geert is bescheiden rond de 23 minuten en Theo, die in topvorm is en bloedserieus in het lopen van wedstrijden zegt; Ik goa geconcentreerd lopen en goa zeker mien best doen, rustig beginnen en dan de laatste kilometer versnellen. Geert schat in dat wi’j beiden zo’n betjen dezelfde tied goat lopen en wi’j wordt in e schat op 26:59. Patrick had thuus al e zegt i’j kunt Theo wal versloan. Ik zeg; Theo is stark en kan zich hellig maken met een wedstrijd.

                                                                      

Samen met Theo stoa ik an de start. Theo zegt: ik start neet zo snel as ow! Ik zeg tegen um, zeker de hele tied achter mien lopen en dan an het letste mien veur bi’j goan! Doar zeg é niks op. Ik zeg: a’j mien an ut letste veurbi’j goat dan zakt mien de moed in de beene en kan’k niks meer. Ik dacht, dan dutte dat misschien neet. Twee rondjes van 2,5 km. Het eerste rundjen blief ik um wal veur! Mooi dat is e lukt! No ’t 2^e rundjen nog. Ik heur Klaus Schluter al deur de speaker zeggen, und daar kump Theo Stronks von AVA siebzig an, fur die letzte Runde. In mien ooghoeken kiek ik of é d’r al kort achter zit, ik zie nog niks geels achter mien. Gewoon deurlopen en zeker niet verslappen in het tempo. Dat geet goed! Ik dacht wanneer zal é d’r an komm’n.      

In een van de letste bochte kiek ik achterumme en zie ik um lopen en dacht ik alleen moar, deurlopen. Op de laatste 500 meter zie ik in mien ooghoeken een geel shirt en nee he! Doar kump é an! Ik zeg; Theo het zal toch neet woar wean en ik geef um een tik op de scholder.  De moed zakt mien in de beene en zie um sprinten noar de finisch. Jammer dacht ik! Moar in een keer bedacht ik mien; Ik loat ’t niet gebeuren. Alle moed verzamel ik bi’j mekare en doar geet ut hen. Ik mot zeen da’k d’r weer veurbi’j vleege en zo vlot meugeluk bi’j de finisch komme. Ik leep net zo snel langs um hen at hee dat bi’j mien deed en zo eindigde ik mooi veur um ! Ik heb toch é wonnen van Theo!                                                                                                                              

Noa de finisch geef é wi’j mekare een scholderklop, dat hebbe wi’j mooi é doane! Beide waren wi’j bli’j met de tied! Alleen was ik toch iets bli’jer. Geert zeg tegen Theo; Ik zal nog liever met ééne menute verschil verleezen, dan met 1,5 seconde. Theo had un mooie tied van 25:43.9 min, Sabine 25:42.4 min, Geert 21:31.8 min, en Patrick 19:38.4 min. In ’n gezellige Kerstsfeer drink é wi’j nog effen koffie mit Kuchen en met een zéér tevreden gevoel stapt wi’j alle 4 weer in de auto, terugge noar AVA Aalten. 

Sportieve groet, Sabine Ikink

Mot Theo doar een treuntjen wegpinken?