 |
| In de wieten langs de beke lup ok wat…. tel wal hoeveule hardlopers, dee bunt vast van AVA’70 dee loopt hier heel veulle |
Loat we hier moar is effen
goan zitten, we bunt wal an ruste too.
De fietse zet moar teggen de
boom an, den blif wal stoan.
Hier in Aalten stoat joa
benkskes genog en loat we-j het er moar van nemmen, ej wet ja neet ho lange
we-j nog goot kunt.
Tis alderbastend droge dat is
het…… en regen kump der moar neet….zee proat wal van regen.
Wat hew toch en mooi uutzicht
zo in het veurjoar…… het bos doar noast de weide en de beke en de brem bleuit ok
bijna.
Er loopt doar ok nog hazen zee
ik wal, helemoal achteraan bi-j dat rekkens-posken, wat zo scheef steet.
In de wieten langs de
beke lup ok wat…. tel wal hoeveule hardlopers,
dee bunt vast van AVA’70 dee loopt hier heel veulle.
Kiek doar kump een vrouwe met
een hond ansjoksen, wat is den hond old en de vrouwe ok trouwens.
Moi zegge wi-j …. Moi zeg de
vrouwe ..de hond zeg niks.
Een blage op de fietse kump
veurbi-j, den jeg zo hard, den zol wal te late wen …..altied al zo ewest.
Zolle we-j wieter goan…..vroag
ik… deur te goan stoan?
Ernstjan Luiten
1 opmerking:
Leuk verhaal
Een reactie posten